![](https://www.epokaere.com/wp-content/uploads/2021/10/IMG_20211009_205202.jpg)
Rama: Nuk do të ketë rritje të çmimit të energjisë për konsumatorët familjarë dhe biznesin e vogël
Kryeministri i Shqipërisë, Edi Rama ka prezantuar planin qeverisës për mbrojtjen nga kriza energjitike, duke thënë se ky nuk parashikon rritjen e çmimit të energjisë për konsumatorët familjarë dhe për biznesin e vogël.
Rama ka mohuar pretendimet e opozitarëve që Shqipëria e prodhon vetë të tërë energjinë që i duhet.
Ai ka thënë se Shqipëria e shet më lirë energjinë, kur tërë rajoni rrotull nesh, nuk ka asnjë nevojë alarmante për energji, në mënyrë që të mos e hedhim ujin e hidrocentraleve në lumë apo që të mos përmbysim fushat e mbjella.
“Plani ynë i kundërveprimit ndaj krizës energjitike ka tri pika: 1. Garantimin e furnizimit të pandërprerë me energji elektrike për të gjithë – vijon një numër masash të detajuara. 2. Mbrojtjen e familjeve dhe biznesi i vogël nga rritja e çmimit të energjisë elektrike – vijon një numër masash të detajuara. 3. Garantimin e fondit të nevojshëm likuid për ndërveprimin me tregun e energjisë elektrike – vijon detajimi i instrumentave të garancisë sovrane shtetërore, i cili do të jetë i ripërtëritshëm, në vlerën 100 mln euro për kompaninë e shpërndarjes së energjisë elektrike në fund të këtij viti dhe 100 mln euro në fillim të vitit tjetër, për të siguruar pikën një dhe dy”, ka thënë Rama.