Komisioni për Ankesa dhe Parashtresa(PZAP)  ka vendosur që kjo komunë është fituar nga kandidati i PDK-së, Mehmet Ballazhi.

PZAP-ja në vendim ka bërë të ditur se i është refuzuar si pabazuar pjesa e ankesës së kandidatit për kryetar të komunës së Hanit të Elezit, Refki Suma, me të cilin ka kërkuar që të anulohet procesi i votimit për zgjedhjet lokale të 17 tetorit.

Po ashtu, PZAP-ja ka dënuar kandidatin për PDK-së për kryetar të kësaj komune, Mehmet Ballazhin, me 10 000 euro për shkak të shkeljes se Kodit të Mirësjelljes për Subjektet Politike.