Manchester Unitedi synon t’i regjistrojë tri fitore radhazi në Ligën e Kampionëve në përballjen që e zhvillon sonte (e martë) kundër Atalantës në Ligën e Kampionëve.

“Djajtë e kuq” aktualisht janë në krye të Grupit F, duke mbledhur gjashtë pikë nga tri ndeshjet e tyre të para, ndërsa Atalanta është e treta në grup me vetëm dy pikë prapa kundërshtarëve të sotshëm në Bergamo.

Atalanta do të jetë në këtë ndeshje pa shërbimet e Berat Gjimshitit, Robin Gosens, Rafael Toloi, Matteo Pessina dhe Hans Hateboer, kurse Manchester Unitedi është i kompletuar për këtë ndeshje. Trajneri Gian Piero Gasperini nuk e fshehu rëndësinë e përballjes me skuadrën angleze.

“Për ne është një ndeshje shumë e rëndësishme, ku vlen vetëm fitorja. Me rezultate të tjera, gjërat nuk do të ndryshonin shumë. Ne e dimë që na nevojiten edhe gjashtë pikë për ta kaluar fazën e grupeve. Prandaj të martën do të jetë ndeshje shumë e rëndësishme, por jo vendimtare”, ka thënë Gasperini. Ndeshje interesante do të zhvillohen edhe në Grupin E. Bayern Muncheni që është lider i grupit, e pret Benficën, kurse Barcelona i shkon Dynamo Kyivit me synim për t’i marrë tri pikët e me shpresë që Benfica mposhtet në Gjermani dhe rrëmben pozitën e dytë.

Grupi E

21:00 Bayern Munchen – Benfica
21:00 Dynamo Kyiv – Barcelona

Tabela

1. Bayern Munchen  9 pikë
2. Benfica                   4
3. Barcelona               3
4. Dynamo Kyiv         1

Grupi F

21:00 Atalanta – Manchester United
21:00 Villarreal – Young Boys

Tabela

1. Manchester United       6 pikë
2. Villarreal                        4
3. Atalanta                          4
4. Young Boys                    3

Grupi G

18:45 Wolfsburg – Salzburg
21:00 Sevilla – Lille

Tabela

1. Salzburg                  7 pikë
2. Sevilla                     3
3. Lille                         2
4. Wolfsburg              2

Grupi H

18:45 Malmo – Chelsea
21:00 Juventus – Zenit St. Petersburg

Tabela

1. Juventus          9 pikë
2. Chelsea            6
3. Zenit                 3
4. Malmo              0

/Epoka e re/