![](https://www.epokaere.com/wp-content/uploads/2021/11/vlora-citaku.png)
Nënkryetarja e PDK-së: Zgjedhjet lokale janë për qytetarët dhe jo për politikanët
Nënkryetarja e Partisë Demokratike të Kosovës, Vlora Çitaku, ka dalur në konferencë për media ku ka ftuar edhe një herë qytetarët që të shfrytëzojnë të drejtën e tyre të votimit para kohës së mbylljes së vendvotimeve.
Ndër të tjerash, Çitaku ka thënë se deri më tani nuk është raportuar ndonjë problem nga vëzhguesit e PDK-së që janë angazhuar në të gjithë territorin e Kosovës.
“Sot është ditë feste për demokracinë, është dita vendimtare që ju vendosni për të ardhmen tuaj 4-vjeçare. Ju ftoj sërish të gjithë juve që keni të drejtë vote dhe nuk e keni shfrytëzuar ende, të dilni dhe të vendosni se kush do ju udhëheqë në katër vitet e ardhshme. Zgjedhjet lokale janë për qytetarët dhe jo për politikanët. Bazuar në informacionet e marra nga të angazhuarit tanë në të gjithë territorin e Kosovës, deri më tani procesi i votimit ka shkuar mirë dhe pa ndonjë problem”, ka thënë Çitaku.
Ajo ka thënë se në fund të ditës, demokracia do të jetë fituesi më i ma dhi këtyre zgjedhjeve.