Qytetarët që udhëtojnë në vendet e Bashkimit Evropian (BE) së shpejti do t’iu duhet të bëjnë edhe një pagesë shtesë.

Qytetarët jashtë BE-së, duke përfshirë amerikanë, australianë, britanikë dhe udhëtarë të tjerë nga jashtë zonës Shengen, nga viti i ardhshëm do të duhet të plotësojnë një tarifë prej 7 eurosh për të hyrë në shtetet e unionit. Kjo vlen edhe për qytetarët e Kosovës.

I quajtur “Sistemi Evropian i Informacionit dhe Autorizimit të Udhëtimit (ETIAS) synon ta rrisë sigurinë dhe të ndihmojë në parandalimin e kërcënimeve shëndetësore ndaj BE-së.

Masa e re e sigurisë prek njerëzit që nuk jetojnë përgjithmonë në një vend të BE-së ose nuk kanë nevojë për vizë për të qëndruar në një shtet të tillë.

Prandaj, turistët, punëtorët e përkohshëm ose ata që vizitojnë familjen ose miqtë në 26 vendet e zonës Shengen duhet ta kenë parasysh këtë fakt.

ETIAS-i  krahasohet me heqjen e vizave ETA australiane dhe ESTA në ShBA, të dyja të përdorura për qëndrime afatshkurtra.

Komisioni Evropian ka thënë se kjo do të ketë “efekt minimal” tek njerëzit që udhëtojnë në Evropë.

Udhëtarët e kualifikuar do të duhet të plotësojnë një aplikim online përpara se të arrijnë në destinacion, i cili kushton 7 euro ose është falas për moshat nën 18 ose mbi 70 vjeç.

Do të duhen vetëm disa minuta për të plotësuar formularin, i cili do të kërkojë informacion biometrik të pasaportës dhe detaje të udhëtimit, si dhe disa pyetje themelore të sigurisë. Por, udhëtarët këshillohen të aplikojnë të paktën 72 orë përpara.

Pasi aplikimi të jetë miratuar, ai do të zgjasë për tri vjet, që është një lajm i mirë për udhëtarët e shpeshtë, edhe pse më pas duhet të rinovohet. ETIAS-i do të hyjë në fuqi para fundit të vitit 2022./Euronews/

Linku: https://www.schengenvisainfo.com/etias/

https://www.schengenvisainfo.com/etias/

https://www.schengenvisainfo.com/etias/