Ambasadorja e Vullnetit të Mirë për Kosovën në IHRC, Elvana Shala, po qëndron në Nepal ku ka pranuar zyrtarisht çmimin ndërkombëtar “Global Youth Leadership Award 2021” që iu nda nga zv/ i Presidenti Nepalit z. Nanda Kishor Pun

Në ceremoninë e dorëzim pranimit përveç zv/Presidentit z. Pun, morën pjesë edhe përfaqësues të agjencive të OKB-së në Nepal, përfaqësues të Qeverisë artistë, si dhe rreth 600 përfaqësues të rinj nga e tërë bota.

Në fjalën e saj të shkurtër pas pranimit, Shala theksoi se çmimi i dedikohet të gjithë atyre që besuan në punën e saj shumëvjeçare, dhe zëri i saj ju dha shpresë për të luftuar për të drejtat dhe qëllimet e tyre kudo në botë. Dhe se diplomacia publike dhe puna për respektimin e të drejtave te njeriut është forma e vetme që bashkon shtetet pa dallim nga relacionet politike.

Zv/ Presidenti i Nepalit e ka cilësuar znj. Shala si inspirim global për gjenerata te reja.

Ajo më pas në kuadër të punimeve të samitit Global për Lidershipin e Ri nesër do të flas në detaje për sukseset e Kosovës në arenën ndërkombëtare veçanërisht në fushën e artit, kulturës dhe të drejtave të njeriut.

“Global Youth Leadership Award” është një çmim vjetor që ndahet nga Parlamenti Global Rinor në bashkëpunim me Qeverinë e Nepalit më konkretisht Zyrën e Kryeministrit në Nepal dhe që kryesisht ju nda personaliteteve të cilët kanë dhënë kontribut të vazhdueshëm në avancimin e të rinjve, fuqizimin e çështjeve sociale dhe për kontributin e dhënë në respektimin e të drejtave të njeriut në nivel global!.

Me këtë çmim sot janë nderuar 63 personalitete nga vende të ndryshme të botës përfshirë edhe zyrtar të UNFPA ndërkohë që është i pari i dhënë për një personalitet nga Kosova.

Ndarja e çmimit është bazuar në punën e saj si Ambasadore e Vullnetit të Mirë për Kosovën në IHRC, pjesëmarrjet e saja të shumta kudo në botë në konferenca që kanë për qëllim fushën e diplomacisë publike, rininë dhe të drejtat e njeriut, e mbi të gjitha për projektet e zhvilluara si në Kosovë, ashtu edhe në vendet e tjera të botës kudo që është kërkuar prezenca apo kontributi i saj në projekte të caktuara për të rinjtë, kategoritë e margjinalizuara apo të drejtat e njeriut pa dallim.

Gjatë ditëve të qëndrimit në Nepal Shala do të ketë takime në Qeverinë e Nepalit dhe agjenci të OKB-së të cilat operojnë në Nepal.