![](https://www.epokaere.com/wp-content/uploads/2018/06/auto_34321022_802595293265546_2532322432937623552_n1527933572.jpg)
Astrit Fazliu zyrtarizohet te Feronikeli
02 qershor 2018
| 12:55
Feronikeli ka kompletuar transferimin e sulmuesit Astrit Fazliu nga klubi i Dritës.
“Armata e sulmit të Feronikelit është përforcuar edhe me një emër të ri dhe shumë të njohur, i cili ka bagazh e përvojë të madhe në fushë. Astrit Fazliu është zyrtarisht transferi më i ri që klubi ynë e ka bërë, i cili falë formës së mirë dhe lojës së treguar, ka qenë pjesë e klubeve të shumta në Kosovë dhe jo vetëm”, thuhet në njoftimin e klubit nga Drenasi.
Në stinorin e kaluar Fazliu ka qenë pjesë e Dritës, ndërsa më parë ka luajtur edhe për Ferizajn, Ulpianën, Prishtinën, Shkëndijën, Partizanin e Tiranës dhe Flamurtarin e Vlorës.