SHBA – Ish-presidenti i Shteteve të Bashkuara të Amerikës, Barack Obama, së bashku me familjen e tij janë fotografuar teksa shijojnë pushimet e Krishtlindjes. Këtë vit ata kanë zgjedhur si destinacion Hawaii-n.

“Daily Mail” ka publikuar disa imazhe të presidentit të 44 të SHBA-së teksa zhytej në ujërat e Oqeanit Paqësor. 60-vjeçari, i cili ka lindur në Hawaii, e ka kthyer në një traditë ndër dekada udhëtimin drejt vendit të origjinës në periudhën e fundvitit.

Një ditë më parë, vajzat e tij, Sasha, 20 dhe Malia, 23, u kapën gjithashtu nga kamerat teksa dilnin në ujë në dërrasa me vozitje, secila e veshur me bikini për ditën e plazhit.

Nga ana tjetër, ish-Zonja e Parë Michelle nuk u duk askund, por “Daily Mail” shkruan se edhe ajo ndodhet me familjen me pushime.