Një aksident komunikacioni ka ndodhur dje në aksin Malishevë – Kijevë, ku një veturë e ka goditur nga mbrapa një këmbësor, ku drejtuesi i mjetit, me urdhër të prokurorit kujdestar të shtetit është dërguar në mbajtje.

Lajmin e ka konfirmuar zëdhënësi i policisë për rajonin e Gjakovës, Nusret Xhurkaj, ku ka bërë me dije se deri tek aksidenti ka ardhur  si pasojë e mospërshtatjes së shpejtësisë, teksa vozitësi e ka goditur këmbësorin nga mbrapa, por i njëjti është jashtë rrezikut për jetë.

“Deri të aksidenti ka ardhur kur i dyshimti kishte qenë duke e drejtuar automjetin e tipit ‘Mercedes’, duke qarkulluar në aksin rrugorë Malishevë-Kijevë, duke mos e përshtatur  shpejtësinë e kushteve, rrethanave të rrugës, me të arritur në hyrje të fshatit Kijevë, vozitësi i lartcekur papritmas me pjesën e parë ballore të krahut të djathtë të automjetit  e godet këmbësorin prapa, i cili ishte duke lëvizur këmbë buzë rruge. Nga goditja që pëson më pas këmbësori përplasët përtokë”, është shprehur Xhurkaj për “KK”.