Ish-sulmuesi i Kombëtares së Italisë, Mario Balotelli është infektuar me Covid-19, gjatë pushimeve në Italia për Krishtlindje dhe Vitin e Ri.

Klubi turk, Adana Demirsporit ka bërë të ditur se sulmuesi italian ka rezultuar pozitiv në testin për Covid.

“Duke ndjerë simptomat, futbollisti ynë, Mario Balotelli, ka rezultuar pozitiv në testin PCR për Covid-19, të cilin e ka kryer në vendin e tij, Itali. Lojtari ynë, i cili është izoluar menjëherë pas rezultatit të testit, këtë periudhë do ta kalojë në shtëpi në Itali. I urojmë lojtarit tonë shërim të shpejtë”, thuhet në njoftimin e Adana Demirsporit.