Organizata Botërore e Shëndetësisë ka njoftuar se vaksinat kundër Covid-19 të prodhuara nga kompanitë kineze “Sinopharm” dhe “Sinovac” mund të ofrojnë mbrojtje kundër sëmundjeve të rënda, shtrimit në spital dhe vdekjes që lidhen me variantin Omicron.

Zyrtari i OBSh-së, Abdi Mahamud, ka deklaruar se provat po tregojnë se vaksinat COVID-19 ende ofronin njëfarë mbrojtjeje, duke nxjerrë një shtyllë të dytë të përgjigjes imune nga qelizat T.

“Ne kemi parë tani se çfarë ju mbron nga shtrimi i rëndë në spital dhe vdekja është përgjigja juaj e qelizave T. Pra, kur antitrupat e neutralizimit ulen, janë qelizat T. Dhe ajo që dimë nga vaksinat e tjera është se ato parandalojnë sëmundjen e rëndë. Nga studimet e bëra në Kili dhe vende të tjera qoftë Sinovac apo Sinopharm, kanë treguar se ato vërtet funksionojnë kundër shtrimit të rëndë në spital. Pra, vaksinat kanë renditje të ndryshme për sa i përket parandalimit të infeksionit. Por ajo që dimë shumë mirë deri tani është që të gjithë e parandalojnë këtë. Kështu që është shumë herët të thuhet nëse shumica e kandidatëve që përdorin vaksinat tona e kanë këtë, por parashikimi ynë është se mbrojtja kundër shtrimit të rëndë në spital dhe vdekjes nga Omicron qëndron”, ka deklaruar Muhamud.

Ai ka paralajmëruar se Omicron do të bëhet një lloj dominues brenda javësh në shumë vende për shkak të transmetueshmërisë së tij të lartë, duke paraqitur një kërcënim për sistemet mjekësore në vendet dhe rajonet ku një pjesë e lartë e popullsisë mbetet e pavaksinuar.

I pyetur nëse ishte e nevojshme një vaksinë specifike për Omicron, Mahamud tha se ishte shumë herët për këtë, por ai theksoi se vendimi kërkon koordinim global dhe nuk duhet t’i lihet prodhuesve të vendosin.

Varianti me mutacion të madh u zbulua për herë të parë në nëntor në Afrikën e Jugut, por të dhënat e OBSH-së tregojnë se ai është përhapur shpejt dhe është shfaqur në të paktën 128 vende dhe rajone./AlsatM/