![](https://www.epokaere.com/wp-content/uploads/2021/11/ferit-idrizi-2.jpg)
Idrizi: Brenda vitit gjithë qytetarët e Vushtrrisë do të furnizohen me ujë të pijshëm
Deri në fund të këtij viti do të përfundojë shtrirja e rrjetit të ujësjellësit në tërë territorin e Komunës së Vushtrrisë.
Kështu po premton kryetari i ri i Vushtrrisë, Ferit Idrizi, i cili thotë se mungesa e ujit të pijes është një prej problemeve më të mëdha me të cilin përballen qytetarët e Vushtrrisë.
“Ne veç i kemi identifikuar problemet, është shtrirja e rrjetit sekondar në ato pjesë ku nuk është shtirë. Kemi pasur takimin e menjëhershëm sepse ne para përmbylljes së balotazhit e patëm bërë edhe një plan 100 ditësh me të cilat do të merremi. Prioritet kryesor ka qenë uji i pijshëm. Kemi pasur takimin e parë me bordin regjional të ujësjellësit dhe me kompaninë e cila është duke e zbatuar projektin. Jemi në vazhdimësi në mbikëqyrje të kësaj, ju kemi premtuar qytetarëve që brenda vitit 2022 do të furnizohen të gjithë qytetarët në Komunën e Vushtrrisë me ujë të pijes dhe ne do të angazhohemi që t’iu dalim në fjalë ashtu si ju kemi premtuar”, thotë ai, raporton KosovaPress.