Andy Murray thotë se ai është i tronditur nga situata e Novak Djokoviq për të fituar hyrjen në Australi, duke thënë se “me të vërtetë nuk është aspak e mirë për tenisin”. Djokoviqit iu mohua hyrja në vend pasi mbërriti për shkak të rregullave të vaksinave dhe tani po apelon kundër deportimit.

Numri një në botë aktualisht ndodhet në një qendër imigracioni.

“Unë mendoj se të gjithë janë të tronditur nga kjo”, ka thënë Murray, i cili gjithashtu do të luajë në turneun, i cili fillon më 17 janar.

“Unë do të them dy gjëra për këtë vetëm tani. Gjëja e parë është se shpresoj që Novak të jetë mirë. E njoh mirë dhe kam pasur gjithmonë një marrëdhënie të mirë me të dhe shpresoj që ai të jetë mirë. Gjëja e dytë: me të vërtetë nuk është aspak e mirë për tenisin dhe nuk mendoj se është e mirë për askënd. Mendoj se është shumë keq”, ka deklaruar Murray. Seanca gjyqësore e Djokoviqit do të fillojë zhvillohet të hënën pasi një ofertë nga qeveria australiane për të vonuar apelimin e tij kundër deportimit u refuzua.