Raportuesja për Kosovën në Parlamentin Evropian (PE), Viola von Cramon është shprehur e shokuar pas lajmit se ministri i Brendshëm serb, Aleksandër Vulin ka përgjuar opozitarët rusë në Beograd dhe përgjimet ua ka dërguar shërbimit inteligjent të Rusisë.

Von Cramon ka shkruar në “Twitter” se Serbia duhet t’i mbështesë të drejtat themelore të njerëzve në territorin e saj.

“Jam e shokuar me lajmet për përgjimin e liderëve të opozitës ruse në Beograd dhe dërgimin e tyre tek shërbimi inteligjent i Rusisë. Serbia duhet t’i mbështesë të drejtat themelore dhe dinjitetin njerëzor të të gjithë njerëzve në territorin e vet”, ka shkruar Von Cramon.

I am shocked with the news of wiretapping #Russian 🇷🇺 #opposition leaders in #Belgrade and its delivering to Russia intelligence service.#Serbia 🇷🇸 must uphold fundamental rights and human dignity of all people on its territory!https://t.co/pmICCaMHkS

— Viola von Cramon 🇺🇦🇪🇺🇮🇱 (@ViolavonCramon) January 12, 2022