Greqia bëri të ditur se rastet e reja të konfirmuara laboratorike me koronavirus të regjistruar në 24 orët e fundit janë 22.362, nga të cilat 84 janë zbuluar pas kontrolleve në hyrjet e vendit. Numri i përgjithshëm i rasteve arrin në 1.890.296 (ndryshim ditor + 1.2%), nga të cilët 49.8% janë meshkuj.

Nga rastet e konfirmuara të 7 ditëve të fundit, 425 infektime konsiderohen të lidhura me udhëtime nga jashtë dhe 1220 janë të lidhura me një rast tashmë të njohur.

Vdekjet e reja të pacientëve me COVID-19 janë 107, ndërsa që nga fillimi i epidemisë janë regjistruar gjithsej 23,195 vdekje. 95.0% kishin sëmundje themelore dhe/ose moshë 70 vjeç e lart.

Numri i pacientëve të trajtuar me intubacion është 605 (60.3% meshkuj). Mosha mesatare e tyre është 66 vjeç. 83.8% kanë një sëmundje themelore dhe/ose moshë 70 vjeç e lart. Nga pacientët e intubuar, 483 (79.83%) janë të pavaksinuar ose pjesërisht të vaksinuar dhe 122 (20.17%) janë plotësisht të vaksinuar.