![](https://www.epokaere.com/wp-content/uploads/2022/02/640-0-62064c392a3f3.jpg)
Nuk është Donaldi! Ja kujt ia uron fitoren e BB VIP kushërira e Beatrix
Prej katër muajsh, “Big Brother VIP” ka mbërthyer para ekranit të gjithë. Publiku tashmë ka banorin e preferuar dhe që dëshiron që të fitojë çmimin e madh.
Madje edhe personazhet e njohur të ekranit kanë nisur që të bëjnë tifo për yjet që prej muajsh janë të mbyllur në shtëpinë më të famshme në Shqipëri. Mes tyre është edhe këngëtarja e njohur, Anxhelina Hadërgjonaj, e cila ka zbuluar banoren e saj të preferuar.
Me siguri, të gjithë prisni që Anxhelina të jetë mbështetësja e të dashurit të kushërirës së saj Beatrix Ramosaj, Donald Veshaj. Mbase është, por ajo ia uron fitoren dikujt tjetër.
Në postimet e saj në “Instastory”, ajo ka shpërndarë foton e Beniada Nishanit, në të cilën shkruhet: “Le të fitojë njëherë e mira, e qeshura, e bukura”.
Krahas postimit, Anxhelina ka vendosur emojin e një kupe, duke lënë të kuptohet se po shpreson që Beniada të jetë fituese.