![](https://www.epokaere.com/wp-content/uploads/2022/02/eriksen.jpeg)
Eriksen: Më kujtohet gjithçka, përveç atyre pesë minutave kur ika nga kjo botë
Gjatë një interviste për BBC, Christian Eriksen ka rikujtuar momentet e tmerrshme kur u rrezua në fushë gjatë ndeshjes mes Danimarkës dhe Finlandës, e vlefshme për Kampionatin Evropian. Pesë minuta nga të cilat ai ishte “i ikur nga kjo botë, derisa ju rikthyen rrahjet e zemrës”.
“Arrij të kujtoj gjithçka, me përjashtim të atyre 5 minutave, pasi vetëm më vonë më thanë se kishin kaluar 5 minuta. Mbaj mend rivënien anësore, topin që më goditi te gjuri dhe më pas nuk e di çfarë ndodhi. Kur u zgjova, e pashë veten të rrethuar nga njerëz dhe fillova të ndjej goditjet në kraharor, por nuk e kuptoja çfarë po ndodhte. Mendoja nëse kisha dëmtuar këmbën apo shpinën dhe nuk dija a do të lëviz më. Vetëm kur hipa në ambulancë, dëgjova mjekët të thoshin se kisha mbetur 5 minuta pa ndjenja”, ka thënë Eriksen.