![](https://www.epokaere.com/wp-content/uploads/2021/06/haradinaj-12.jpg)
Haradinaj pyet si do të llogaritet faturat e rrymës nga 9 shkurti
Kryetari i AAK-së ka pyetur se si do të faturohen qytetarët nga KESCO nga 9 shkurti kur edhe ka hyrë në fuqi shtrenjtimi i rrymës përderisa s’janë bërë leximet e njehsorëve nga data 8 shkurt.
Haradinaj ka shkruar se ZRrE-ja s’ka specifikuar se si do të llogaritet tarifa e lartë dhe e ulët për 800 kWh.
“Si do të bëhet llogaritja e faturave të KESCO nga data 9 shkurt, kur asnjë vizitë nuk është bërë me datën 8 shkurt nga ekipet e tyre (e kam fjalën për njehsorët që nuk mund të lexohen nga distanca).ZRRE për 800 kilovatët nuk specifikon se sa do të merren nga tarifa e ulët e sa nga tarifa e lartë”, ka shkruar ai në llogarinë e vet në “Facebook”.
Më tutje, ai ka shkruar se Avokati i Popullit do të duhej të vihej në funksion për vendimin sipas tij arbitrar të ZRrE-së për rritje të çmimit të energjisë.
“Nëse vërtetë ekziston Avokati i Popullit në funksion të popullit, do të duhej të vihej në funksion menjëherë për këtë vendim arbitrar në dëm të qytetarëve e pa kurrfarë baze ligjore”, ka shkruar Haradinaj.