Kryetari i LDK-së Lumir Abdixhiku ka deklaruar se NATO duhet të përshpejtojë anëtarësimin e Kosovës në Aleancën Veri-Atlantike, pasi një gjë e tillë është e domosdoshme.  

Ai në një postim në “Facebook”, ka shkruar se bashkimi i tanishëm euroatlantik si reagim ndaj tiranisë ruse mbi Ukrainë, është një dritare historike për Kosovën.

“Anëtarësimi ynë në NATO sot ka një mundësi të re. Kosova, institucionet tona, diplomacia jonë, duhet të shfrytëzojnë këtë dritare historike që rrallëherë na hapet kaq shumë; e aleatët tanë ndërkombëtarë duhet të përshpejtojnē anëtarësimin tonë si proces të natyrshëm të sigurisë Evropiane. Kosova në NATO është domosdoshmëri; gjithnjë ka qenë, gjithnjë do të jetë”, ka shkruar Abdixhiku.

Postimi i plotë:

Teksti vazhdon pas reklamës

Pikat e para në treg që rregullojnë presionin në vetëm shtatë ditë! Bëni vetë në shtëpi!

Gjermania sot rriti buxhetin për mbrojte në rekordet më të larta të shtatë dekadave të fundit; në 2% të Bruto Produktit Vendor; e 100 miliardë euro investime vetëm këtë vit. Vendet e mbetura të BE-së tani kërkojnë anëtarësim të plotë në NATO.

Doktrina “paqe nëpërmjet forcës” – e presidentit Reagan, po rikthehet me të drejtë në Evropë. Më 17 korrik të vitit 1980, në Konventën Republikane të kohës, ai thoshte: “Ne e dimë shumë mirë se lufta nuk vjen kur forcat e lirisë janë të forta, por kur ato janë të dobëta. Pikërisht atëherë tiranët tundohen.”

Putin është shembull i një tundimit të tillë. Aleatët e tij në Serbi, janë shembull të një tundimi të tillë.

Bashkimi i tanishëm euroatlantik si reagim ndaj tiranisë ruse mbi Ukrainë, është një dritare historike për Kosovën. Anëtarësimi ynë në NATO sot ka një mundësi të re. Kosova, institucionet tona, diplomacia jonë, duhet të shfrytëzojnë këtë dritare historike që rrallëherë na hapet kaq shumë; e aleatët tanë ndërkombëtarë duhet të përshpejtojnē anëtarësimin tonë si proces të natyrshëm të sigurisë Evropiane. Kosova në NATO është domosdoshmëri; gjithnjë ka qenë, gjithnjë do të jetë.

Le të shfrytëzojmë këtë moment të ri për një hap të madh historik. Le t’i nxisim të gjitha potencialet tona në këtë drejtim.