Phoenixi bëhet skuadra e parë në NBA që arrin kuotën e 50 fitoreve këtë sezon (ka edhe 12 humbje). Suns mposhtën me rezultat 120-90 Portland, një fitore kolektive, ku realizuan plot 12 lojtarë të skuadrës vendase.

Fitore në sekondat e fundit arrin Milwaukee, që mundi 120-119 Miami, në një ndeshje me rivalitet. Herro realizoi 30 pikë për Miami, por që mbetën për statistikë, ndërsa për Bucks u dalluan Antetokounmpo (28 pikë e 17 rebound), Middleton (26 pikë) e Holiday (25 pikë e 11 asistime).

Pas kohës shtesë fiton Utah Jazz, që mundi 132-127 Houston jashtë fushe, ndeshje ku u dalluan Mitchell me 37 pikë e Gobert me 27 pikë. Moment të mirë po kalon Philadelphia, që mundi 123-108 New York, duke synuar kreun në Lindje. Embiid realizoi 27 pikë e 11 rebound, Harden 26 pikë e Maxey 25, një trio që po bën të ëndërrojnë tifozët e këtij ekipi.

Befason Oklahoma, që falë 29 pikëve të Shai mposhti 119-107 Denveri jashtë fushe.

Rezultatet

Cleveland – Charlotte               98-119
Orlando – Indiana                    114-122
Philadelphia – New York         123-108
Houston – Utah Jazz                127-132
Milwaukee – Miami                  120-119
New Orleans – Sacramento    125-95
Denver – Oklahoma                 107-119
Phoenix – Portland                  120-90