Presidentja Vjosa Osmani ka pritur në takim ministren e Punëve të Jashtme të Gjermanisë, Annalena Baerbock, me të cilën ka biseduar për zhvillimet aktuale.

“Gjermania është partner strategjik i Kosovës jo vetëm në aspektin politik, por edhe atë të sigurisë dhe ekonomisë”, ka thënë Osmani.

Ajo ka shtuar se Kosova e konsideron Gjermaninë si një forcë lëvizëse për integrimin euroatlantik të Kosovës dhe rajonit.

“Marrëdhëniet me këtë shtet i bëjnë edhe më të forta një numër i madh i mërgimtarëve kosovarë, të cilët jetojnë dhe janë të integruar mirë në Gjermani. Presim të punojmë bashkërisht për një të ardhme më të mirë të Kosovës dhe rajonit”, ka deklaruar Osmani.