Zyrtarët ukrainas thanë se forcat ruse kanë kryer një sulm me raketa në një qendër trajnimi ushtarak pranë qytetit të Lviv.

Gazetarët e BBC-së në Lviv thonë se nuk u dëgjuan shpërthime në qendër të qytetit.

Lviv është vetëm 80 kilometra larg kufirit polak dhe një destinacion për shumë ukrainas që ikin nga pjesë të tjera të vendit.

Në ditët e para të pushtimit, forcat ruse synuan rajone në veri, lindje dhe jug, duke përfshirë kryeqytetin Kiev.

Por, ditët e fundit forcat ruse kanë synuar rajone në qendër, si Dnipro, dhe në perëndim si Ivano-Frankivsk, raporton BBC, transmeton Klankosova.tv.

Lviv, një qytet historik dhe piktoresk i njohur për trashëgiminë e tij kulturore, deri më tani ka mbetur i paprekur nga rusët.

Por, edhe ky vend është përgatitur për luftë dhe ka kryer përgatitjet për të mbrojtur monumentet e veta historike.