![](https://www.epokaere.com/wp-content/uploads/2022/03/ftd.jpg)
Ukrainë, forcat ruse kanë rrëmbyer kryetarin e qytetit Dnjiprorudne
13 mars 2022
| 12:07
Forcat ruse kanë rrëmbyer kryetarin e qytetit jugor, Dnjiprorudne, ka thënë ministri i Jashtëm ukrainas, Dmytro Kuleba.
Yevhen Matveyev mund të jetë kryetari i dytë ukrainas që dyshohet se është rrëmbyer, pasi njëjtë është raportuar të ketë ndodhur edhe me kryetarin e Melitopolit.
Kuleba ka thënë se “kriminelët rusë të luftës” kanë rrëmbyer Matveyevin.
“Sot, kriminelët rusë të luftës rrëmbyen një tjetër kryebashkiak ukrainas të zgjedhur në mënyrë demokratike, kreun e Dniprorudne Yevhen Matveyev. Duke marrë zero mbështetje lokale, pushtuesit kthehen në terror. U bëj thirrje të gjitha shteteve dhe organizatave ndërkombëtare që të ndalojnë terrorin rus kundër Ukrainës dhe demokracisë”, ka shkruar ai në “Twitter”.