![](https://www.epokaere.com/wp-content/uploads/2022/02/rama-1.png)
Po negociojmë për zhbllokimin e miellit me Serbinë
13 mars 2022
| 12:35
Kryeministri i Shqipërisë, Edi Rama ka nisur një tur shpjegues me punonjës të sektorëve të ndryshëm për Paketën e Rezistencës Sociale, miratuar nga qeveria të shtunën.
Punonjësve të një fabrike mielli në Tiranë kryeministri u foli edhe për përpjekjet për të mos ndalur eksportin e grurit.
“Po negociojmë me Serbinë për të zhbllokuar sasi gruri dhe miell bllokuar atje bizneseve tona, dhe këtë po e bëjmë bazuar në Ballkanin e Hapur”, ka thënë ai.
Kryeministri Rama e vuri theksin se përse Paketa e Rezistencës Sociale i kushton një rëndësi të posaçme pensionistëve.
“36 milionë USD indeksim pensionesh dhe 30.000 lekë plus ata të vetmuar e invalid. Është një frymëmarrje për mos tu ndjerë me lakun në fyt”, ka shtuar kryeministri Rama.