Gjatë ditës së sotme është raportuar se Dogana e Kosovës dhe Administrata Tatimore kanë zbarkuar në kompaninë e derivateve “HIB Petrol” nën dyshimin se ka kryer aktivitet në kundërshtim me ligjin.

Lidhur me rastin, kompania nga Ferizaj e derivateve “HIB Petrol” ka dalë edhe me një komunikatë zyrtare.

Kjo kompani ka thënë se sot është njoftuar që një punëtor i saj dyshohet që ka keqpërdorur emrin dhe autorizimet e tij për interesa personale.

“HIB Petrol ShPK do të përdorë tërë mjetet ligjore për të adresuar dëmet të cilat i janë shkaktuar në lidhje me keqpërdorimet e mundshme”, thuhet në njoftimin e tyre.