![](https://www.epokaere.com/wp-content/uploads/2020/06/Lajmi-i-fundit.jpg)
Podujevë, pacienti sulmon fizikisht mjekun në QKMF
Sindikata e Qendrës Kryesore të Mjekësisë Familjare (QKMF) në Podujevë ka njoftuar se të dielën është sulmuar fizikisht mjeku me inicialet A.B., në Emergjencën e QKMF-së në këtë komunë.
Sipas kësaj sindikate, mjeku është sulmuar nga një pacient.
“Veprime të tilla ndaj profesionistëve shëndetësorë janë të dënueshme dhe të patolerueshme, përderisa një akt i tillë i ulët siç është dhuna fizike kryhet në ambientin e punës”, është thënë në reagimin e sindikatës.
Në këtë situatë, Kryesia e sindikatës së QKMF-së në Podujevë ka ftuar organet e rendit dhe të drejtësisë të veprojnë konform legjislacionit në fuqi.
Për rastin është njoftuar edhe në raportin 24-orësh të Policisë së Kosovës.
Rasti është hapur si “sulm ndaj personit zyrtar”, teksa i dyshuari gjendet në arrati.