![](https://www.epokaere.com/wp-content/uploads/2018/06/auto_2018-06-16T143831Z_1833916072_RC175265FB00_RTRMADP_3_SOCCER-WORLDCUP-ARG-ICE1529161103.jpg)
Argjentina ndan pikët me Islandën, zhgënjen Messi
16 qershor 2018
| 18:10
Ylli i Barcelonës, Leo Messi ka pasur një paraqitje jo të mirë ndaj Islandës debutuese në Botëror.
Argjentina ndau pikët me Islandën në ndeshjen e tyre të parë në Botërorin “Rusia 2018”, transmeton Koha.net.
Aguero kaloi Argjentinën në epërsi me një gol shumë të bukur në minutën e 19, por shifrat i barazoi Islanda pas katër minutash përmes Finnbogasonit.
Rastin më të mirë të ndeshjes e pati Leo Messi në minutën e 64 kur nuk arriti të shënojë nga penaltia, goditjen e të cilit e priti Hannes Halldorsson.
Në ndeshjen e ardhshme në Grupin D kombëtarja e Argjentinës luan kundër Kroacisë, kurse Islanda ndaj Nigerisë.