Ministri i Mbrojtjes, Armend Mehaj, ka marrë pjesë në shënimin e 24-vjetori të Epopesë së Dukagjinit.

Ai ka thënë se lufta heroike e djemve dhe vashave të Dukagjinit dhe gjithë Kosovës janë burimi i pashtershëm i frymëzimit tonë.

“Në Kompleksin Memorial të Heronjve në Gllogjan, sot qëndruam fizikisht dhe shpirtërisht me kujtimin dhe nderin e madh, dhe me përkulje të përjetshme para heronjve të rënë, luftëtarëve të Ushtrisë së Lavdishme Çlirimtare të Kosovës. Lufta heroike e djemve dhe vashave të Dukagjinit dhe gjithë Kosovës janë burimi i pashtershëm i frymëzimit tonë dhe definicioni më kuptimplotë se sa e shtrenjtë është liria e kombit dhe atdheut dhe sa shumë është sakrifikuar për to”, ka thënë ministri Mehaj.