Ministri i Mbrojtjes, Armend Mehaj është takuar të premten me komandantin e KFOR-it, gjeneralmajor Ferenc Kajari.

Mehaj ka bërë me dije se gjatë takimit, Kajari është shprehur i kënaqur me të arriturat e Ministrisë së Mbrojtjes, si dhe nivelin e lartë të bashkëpunimit në mes të KFOR-it dhe FSK-së.

“Ndër të tjera, të dy shprehëm gatishmërinë e plotë për vazhdimin e këtij bashkëpunimi në funksion të sigurisë dhe stabilitetit vendor, si dhe ati rajonal e më gjerë”, ka shkruar Mehaj në llogarinë e vet në “Facebook”.

I pari i Mbrojtjes ka thënë se me Kajarin janë pajtuar për koordinim të ndërsjellë për çështjet e interesit të përbashkët.