Ministrja e Drejtësisë Albulena Haxhiu, nesër do të udhëtojë për në Hagë.

Qëllimi i kësaj vizite është të takojë ish-krerët e Ushtrisë Çlirimtare të Kosovës që po gjykohen që një vit.

Takimet pritet të jenë më 30, 31 mars dhe 1 prill.

Kështu bëri të ditur për Klankosova.tv Flamur Pireva, këshilltar i ministres së Drejtësisë Albulena Haxhiu.

Ajo do të jetë e shoqëruar nga nënkryetarja e Kuvendit të Kosovës Saranda Bogujevci dhe deputeti Adnan Rrustemi.

Muaj më parë zëvendësministri Sallahu, ka vizituar të burgosurit në Hagë, por përveq Rexhep Selimit dhe Jakup Krasniqit, të cilët i ka takuar, të burgosurit tjerë Thaçi e Veseli kanë refuzuar të takohen me të.