Cristiano Ronaldo do të jetë në Kupën e Botës në Katar. Sulmuesi siguroi një biletë teksa mposhti në finalen e “play-off” Maqedoninë e Veriut me shifrat 2-0.

Ronaldo la gjurmë në golin e parë duke e shërbyer Bruno Fernandes. Së fundmi ai ka reaguar me një mesazh në rrjetet sociale, duke shprehur krenarinë për këtë kualifikim duke e lidhur dhe me moshën e tij.

“Vitet kalojnë, por objektivat vijojnë të mbeten të njëjta”, i referohet dëshirës për të fituar gjithmonë që, në fakt, është edhe në karakterin e tij. Mbetet të shihet nëse do të lërë gjurmë në Katar, teksa mund të sfidojë dhe Messin, që do të jetë me Argjentinën.