Dy avionë rusë që shkelën hapësirën ajrore të Suedisë ishin të pajisur me armë bërthamore
31 mars 2022
| 08:25
Dy nga avionët luftarakë rusë që shkelën hapësirën ajrore suedeze në fillim të marsit ishin të pajisur me armë bërthamore, sipas informacioneve të TV4 Nyheterna.
Forcat e Armatosura nuk kanë dashur të komentojnë informacionin me arsyetimin se janë informacione të klasifikuara.
Informacioni i TV4 pretendon se veprimi rus ishte një akt i qëllimshëm që synonte të frikësonte Suedinë.
Në të njëjtën ditë kur ka ndodhur shkelja, Forcat e Armatosura të Suedisë kanë publikuar fotot e avionëve rusë.
Bëhet fjalë për dy avionë luftarakë të tipit SU 27 dhe dy avionë sulmues të tipit SU24.
Sipas TV4, avioni u ngrit nga baza ajrore ruse Kaliningrad.
(Sh. Rexhaj)