![](https://www.epokaere.com/wp-content/uploads/2022/03/rrustemi.jpg)
Rrustemi: Vizitat e Haxhiut në Hagë ishin institucionale dhe të rëndësishme
Deputeti i Lëvizjes Vetëvendosjes, Adnan Rrustemi, ka dhënë detaje nga vizitat e ministres së Drejtësisë, Albulena Haxhiu, në Hagë, teksa është pjesë e delegacionit kosovar atje.
Rrustemi ka thënë se vizitat e ministres Haxhiu janë institucionale dhe të rëndësishme.
“Së bashku me nënkryetaren e Kuvendit, Saranda Bogujevci, ministren e Drejtësisë, Albulena Haxhiu dhe deputetin Erxhan Galushi, gjatë vizitës Dhomave të Specializuara, dje takuam Hysni Gucatin, Pjetër Shalën dhe Rexhep Selimin, kurse sot, Jakup Krasniqin dhe Nasim Haradinajn”.
“Ishte vizitë institucionale dhe e rëndësishme. Në këto takime u njoftuam për së afërmi me kërkesat, trajtimin dhe aspekte të tjera që ndërlidhen me Gjykatën”, ka shkruar Rrustemi në llogarinë e vet në “Facebook”.