Ish-ambasadori i Kosovës në Maqedoninë e Veriut, Gjergj Dedaj, ka thënë se politika e jashtme e Kosovës është në kolaps.

“Osmani dhe Gërvalla si përgjegjëse të politikës së jashtme të Kosovës, brenda një viti e kanë degraduar dhe sjell në kolaps diplomacinë kosovare! MPJD është bërë çerdhe partiake e listës fantome Guxo, nepotizmi dhe spastrimi i kuadrove profesioniste nga radhët e rivalëve politikë të opozitës, po bëhet trend me metoda tiranike dhe të barbarisë diktatoriale të ekstremit të majtë!”, ka shkruar Dedaj në llogarinë e vet në “Facebook”.

Sipas tij, kjo po pamundëson afirmimin ndërkombëtar të Kosovës.

“Nuk ka njohje të reja, as aplikime për anëtarësime në institucionet botërore, duke e izoluar shtetin më të ri në Evropë dhe dëmtuar imazhin e Republikës së Kosovës!”, ka shkruar Dedaj.