![](https://www.epokaere.com/wp-content/uploads/2018/06/Sss.jpg)
Suedia ka mposhtur me penallti Korenë e Jugut
18 qershor 2018
| 16:19
Një penallti e konvertuar në gol nga ana e kapitenit suedez Granqvist ka mjaftuar për nordikët që të marrin 3 pikët maksimale nga përballja e parë në Botërorin “Rusia 2018” përballë Koresë së Jugut.
Goli i vetëm i takimit u shënua në minutën e 66, ndërsa loja, edhe pse me shumë duele fizike dhe me përpjekje të mëtejshme për të ndryshuar rezultatin, nuk shkoi më shumë sesa thjesht disa minuta dramatike të fundit, me koreano-jugorët që tentuan me çdo kusht të shënonin golin e barazimit.
Suedia merr kështu 3 pikë të arta, që i vendos ata në kuotë të barabartë me Meksikën, në grupin e vështirë ku Gjermania dhe Koreja e Jugut mbeten në kuotën e zero pikëve./tch/