Von Cramon për zgjedhjet në Serbi: E papranueshme që shqiptarëve të Luginës t’i mohohet votimi
Eurodeputetja Viola von Cramon, ka thënë se zgjedhjet në Serbi nuk ishin as të lira dhe as fer.
Ajo në faqen e saj zyrtare në “Twitter” ka shkruar edhe për fshirjen e adresave të shqiptarëve në Luginë të Preshevës dhe pamundësinë e tyre për të votuar.
Sipas saj, në zgjedhjet në Serbi është parë presioni direkt tek votuesit që punojnë në administratë publike si dhe sulmet fizike siç ishte ai ndaj liderit opozitar, Pavle Grboviq.
Më tutje, raportuesja për Kosovën në Parlamentin Evropian ka thënë se Serbia duhet të rreshtohet krah BE-së për sanksionet ndaj Rusisë.
Në zgjedhjet e së dielës në Serbi është raportuar se 6 mijë shqiptarëve në Luginën e Preshevës u është mohuar e drejta e votës në zgjedhje.
#SerbianElections demonstrated positive developments as a significant number of voters was eager to participate. #Serbia 🇷🇸 will once again have a pluralistic and diverse Parliament.
However, the elections in Serbia were neither free nor fair ‼️
— Viola von Cramon 🇺🇦🇪🇺🇮🇱 (@ViolavonCramon) April 5, 2022
