Nagelsmann, i cili pasoi Hansi Flick si trajner në fillim të sezonit, tregoi se kishte marrë kërcënime në mediat sociale që synonin atë dhe familjen e tij.

“Unë e di se gjithmonë do të marr kritika nga të gjitha anët – kjo është normale dhe unë mund të përballem me të. Por me 450 kërcënime me vdekje në Instagram, nuk është aq e lehtë”, tha Nagelsmann.

“Nëse njerëzit duan të më vrasin, kjo është një gjë në vete, por ata sulmojnë edhe nënën time, e cila as që di për futbollin”, shtoi 34-vjeçari.

Bayerni është pothuajse i sigurt se do të ruajë titullin e Bundesligës për sezonin e dhjetë radhazi nën drejtimin e Nagelsmann, me një avantazh prej nëntë pikësh ndaj rivalëve më të afërt, Borussia Dortmund, që nuk ka gjasa të tejkalohet me vetëm shtatë ndeshje të sezonit të mbetura, shkruan 90Min.

Gjigantët e Bundesligës ishin favoritë për të eliminuar Villarrealin në çerekfinale, pavarësisht se humbën ndeshjen e parë 1-0, por nuk ishin në gjendje të përmbysnin rezultatin në Allianz Arena.