![](https://www.epokaere.com/wp-content/uploads/2022/04/65-gorilla.jpg)
Gorilla më i vjetër në botë mbush 65 vjet
Fatou, një gorillë e ultësirës perëndimore që besohet të jetë më e vjetra në botë, sapo festoi ditëlindjen e saj të 65-të në kopshtin zoologjik të Berlinit.
“Zonja jonë Gorilla sot feston ditëlindjen e saj të 65-të, duke e bërë atë Gorillën më të vjetër në botë”, ka shkruar kopshti zoologjik në Instagram.
“Torta tradicionale e ditëlindjes nuk mund të mungonte as këtë vit. Ushqimi i ditëlindjes është gjithmonë diçka shumë i veçantë për Fatoun”, tha kopshti zoologjik. Fotografitë e përfshira në postim treguan primatin e madh duke shijuar një tortë të zbukuruar me manaferra dhe fruta për të formuar numrat “65”.
Fatou mbërriti në Berlin në vitin 1959 përmes asaj që kopshti zoologjik i përshkruan si “rrethana të pazakonta” në një njoftim nga ditëlindja e saj e 61-të, raporton CNN, transmeton Klankosova.tv.
Një marinar përdori gorillën e re si shkëmbim për pagesë në një tavernë në Marsejë, Francë, pas së cilës ajo u transportua nëpër Evropë përpara se të blihej përfundimisht nga kopshti zoologjik në Gjermani. Ajo u vlerësua të ishte vetëm dy vjeçe në momentin e mbërritjes së saj.
Në vitin 2019, Fatou u emërua “gorilla më e vjetër e gjallë në robëri” nga Guinness Ëorld Records pasi Trudy, një gorilla e lindur në 1956, vdiq.
Fatou është një nga kafshët e vetme në kopshtin zoologjik të Berlinit e lindur në natyrë, sipas njoftimit për shtyp.
Në robëri, gorillat zakonisht jetojnë deri në 50 vjet, vuri në dukje Guinness.