![](https://www.epokaere.com/wp-content/uploads/2022/04/FB_IMG_1650193223215.jpg)
Peci viziton bujkun që ka vendosur ta punojë tokën e papunuar pas 30 vjetësh
Ministri i Bujqësisë, Faton Peci, ka vizituar bujkun nga Koshtova e Vllahisë, Nexhat Brahimin, i cili ka vendosur që ta punojë tokën e papunuar pas 30 viteve.
“Mirëmëngjes nga Koshtova e Vllahisë, aty ku në fund të rekës së Bistricës, Nexhat Brahimi ka vendosur që ta punojë tokën e mbetur djerrinë pas 30 viteve. Rritja e përkrahjes këtë vit dhe thirrja për ta punuar çdo pëllëmbë të Kosovës, po jep frytet e veta. Nexhati nga Komuna e Leposaviqit kultivon 2 hektarë misër dhe 2 hektarë kungull”, ka thënë Peci.
Ai ka theksuar se bujqit e komunave veriore do ta kenë më të lehtë aplikimin këtë vit pasi që nuk do të kenë nevojë për fletë poseduese.
“Mirëpo nuk do mungojë kontrolla në teren për tu siguruar se mbështetja institucionale do të shkojë tek bujqit e vyer e meritorë”, ka deklaruar ministri Peci.