Analisti politik, Ilir Ibrahimi, ka thënë se ky vend nuk do të shohë dritë derisa të mbizotërojë gjuha dhe veprimet skajshmërisht populiste.

Ai përmes një postimi në llogarinë e vet në “Facebook” ka shkruar se roli i udhëheqësve nuk është ta thonë atë që ka dëshirë ta dëgjojë populli.

Sipas Ibrahimit, roli i udhëheqësve nuk është të veprojnë vetëm sa për ta kënaqur popullin.

“Udhëheqësit, sidomos në vende në tranzicion, me nevoja të mëdha për gjithfarë reformash, duhet të flasin e veprojnë për atë që është e mirë dhe e mundshme dhe jo çfarë është e dëshirueshme dhe e pëlqyeshme. Vetëm një shembull të kësaj që po e them: nëse do ti lihej popullit në vullnetin e tij, a mendoni se do të paguanin ndonjë lloj tatimi??? Se si do ti vijë fundi këtij realiteti të ndërtuar ndër vite nuk e di, por se do të jetë i dhimbshëm, nuk kam dyshim”, ka shkruar Ibrahimi.