Qeveria shqiptare ka shpallur datën 2 qershor ditë zie kombëtare në nder të ish-presidentit Bujar Nishani.

Sipas vendimit të qeverisë të publikuar sot, në të gjitha institucionet shtetërore dhe publike do të ulet flamuri kombëtar në gjysmështizë.

Vendimi shton se shpenzimet e varrimit dhe të ceremonialit do të përballohen nga buxheti i shtetit.

Qeveria ka lajmëruar për nesër organizmin e homazheve për Nishanin, ndërkohë presidenti Ilir Meta ka zhvilluar sot homazhet në Presidencë.

Ish-presidenti i Shqipërisë ndërroi jetë në moshën 56-vjeçare, pas një beteje disa mujore me Covid-19.

Nishani u shua në një spital në Gjermani, ku ishte dërguar para një muaji, pas rëndimit të gjendjes shëndetësore. Më herët ai u shtrua në spitalin e Sanatoriumit në Tiranë por gjendja e rëndë e mushkërive i detyroi familjarët për ta nxjerrë jashtë vendit.