Lëvizja Vetëvendosje (LV) të dielën ka shënuar 17-vjetorin e themelimit.

Faqja zyrtare e Vetëvendosjes në “Facebook” ka shpërndarë disa fotografi nga festa e djeshme e aktivistëve, ku ka marrë pjesë edhe lideri i kësaj lëvizje dhe kryeministri i Kosovës, Albin Kurti.

Para aktivistëve, sipas LV-së, Kurti ka thënë se tash është koha e “mbështetjes maksimale për qeverisjen tonë dhe për ç’kapje përfundimtare nga pushtetet klanore të mëparshme”.

“Ne të Lëvizjes jemi vazhdimësi, as nisje e as mbarim, prandaj ne edhe guxojmë në beteja, por nuk guxojmë ta ndalim betejën. Është një kohë për gjithçka, tash është koha e mbështetjes maksimale për qeverisjen tonë dhe për ç’kapje përfundimtare nga pushtetet klanore të mëparshme”, citohet të ketë thënë Kurti.