Ish-snajperisti amerikano-gjerman i UÇK-së, Michael Spath është shprehur shumë i zhgënjyer me miratimin e Projektligjit që i hap rrugë rritjes së pagës minimale në Kosovë, mirëpo jo pensionit të veteranëve.

Me anë të një postimi në Facebook, Spath ka thënë se ky vendim është zhgënjyes, i padrejtë dhe pro-serb.

Madje, Spath ka thënë se vendimi në fjalë është marrë “për të diskredituar dhe shkatërruar” veteranët që sollën lirinë.

Postimi i plotë i tij:

Sot u mor një vendim i cili është më zhgënjyes, i pabarabartë, i padrejtë dhe pro serb ndaj të gjithë Veteranëve të Lirisë, të Kosovës.

Ky vendim është marrë për të diskredituar dhe shkatërruar veteranët që ju sollën lirinë,  në drejtësinë kosovare për të jetuar të lirë.

Serbët përgëzuan për këtë vendim të padrejtë të Qeverisë aktuale, që më tregon se gjithçka është bërë për iniciativat pro serbe.

Ne jemi harruar, kemi harruar qytetarët tanë të zhdukur, kemi harruar heronjtë tanë të rënë, vetëm për ata që të kënaqin çështjet politike serbe brenda Kosovës.

Me zhgënjim dhe pikëllim.