Kryeministri i Shqipërisë, Edi Rama, e ka quajtur gjë të mirë arritjen e marrëveshjes në mes të Kosovës e Serbisë për faturimin e energjisë elektrike në katër komunat veriore.

Rama në një postim në llogarinë e vet në “Twitter”, ka shkruar se kjo është rruga e duhur, ndërsa të tjerat janë humbje kohë.

“Gjë shumë e mirë marrëveshja e firmosur mes Kosovës e Serbisë për energjinë në Veri. Kjo është rruga e duhur. Të tjerat janë humbje kohe duke rrejt veten!”, ka shkruar Rama.

Gjë shumë e mirë marrëveshja e firmosur mes Kosovës e Serbisë për energjinë në Veri. Kjo është rruga e duhur. Të tjerat janë humbje kohe duke rrejt veten!

— Edi Rama (@ediramaal) June 21, 2022

Sipas udhërrëfyesit për të cilin Kosova dhe Serbia janë dakorduar të martën në Bruksel, Eletroserveri parashihet ta nënshkruajë një marrëveshje tregtare me KEDS-in që parasheh shërbimet e distribuimit (faturimin, inkasimin, mirëmbajtjen dhe kyçjen e konsumatorëve të rinj) në katër komunat me shumicë serbe në veri. Kjo, parashihet të ndodhë 10 ditë pas licencimit.