“Presidenti rus Vladimir Putin nuk do ta kishte pushtuar Ukrainën nëse do të ishte një grua”, ka thënë kryeministri britanik në lidhje me konfliktin e armatosur që tashmë ka hyrë në ditën e 126.

Kryeministri Johnson tha se pushtimi “i çmendur” ishte një shembull i përsosur i maskilitetit toksik dhe bëri thirrje për më shumë gra në pushtet.

Komentet e Johnsonit erdhën para takimit të NATO-s ku aleatët do të diskutojnë se si t’u përgjigjen kërcënimeve të ardhshme. Në samitin në Madrid, kryeministri i Mbretërisë së Bashkuar do t’u bëjë thirrje anëtarëve të tjerë të aleancës që t’i rrisin shpenzimet e mbrojtjes.

Shpenzimet e mbrojtjes së Mbretërisë së Bashkuar parashikohen të arrijnë 2.3 % të PBB-së, një masë kryesore e të ardhurave vjetore të një vendi. Ndërkohë që disa vende të tjera të aleancës nuk e kanë përmbushur objektivin vjetor prej 2 % të vendosur nga NATO.