Më shumë se 20 anëtarë të ekuipazhit kanë humbur pasi anija e tyre u copëtua në dysh gjatë një tajfuni në Detin e Kinës Jugore.

Shpëtimtarët po përpiqen t’i gjejnë ata, por ende nuk ka asnjë shenjë prej tyre.

Autoritetet dërguan avionë dhe helikopterë për të ndihmuar me  operacionin e shpëtimit.

Fotot e publikuara nga Shërbimi Fluturues i Qeverisë së Hong Kongut treguan një anëtar të ekuipazhit duke u ngjitur në një helikopter shpëtimi ndërsa valët e mëdha goditën anijen që po fundosej.

Anija inxhinierike, e cila ishte 160 milje detare (296 km) në jug-perëndim të Hong Kongut, “pësoi dëme të konsiderueshme dhe u nda në dy pjesë” dhe ekuipazhi prej 30 anëtarësh braktisi anijen, sipas Shërbimit Fluturues.

Tre të mbijetuarit thanë se anëtarët e tjerë të ekuipazhit mund të ishin rrëmbyer nga dallgët përpara se të mbërrinte helikopteri i parë.

Ekipet e shpëtimit thanë se do të rrisin zonën e kërkimit “për shkak të numrit të madh të njerëzve”.