![](https://www.epokaere.com/wp-content/uploads/2022/07/tanku.jpg)
Forcat ruse marrin kontrollin e Lysychansk, Zelensky: Situata mund të ndryshojë çdo ditë
03 korrik 2022
| 20:43
Pas tërheqjes nga Severodonetsk, ushtria ukrainase është larguar së fundmi edhe nga Lysychansk, duke iu dhënë mundësinë rusëve të kontrollojnë tashmë pothuajse të gjithë rajonin e Luhanskut.
Presidenti Zelensky e konsideroi më herët situatën në Lysychansk si tepër të vështirë, ku po luftohet intensivisht, por tashmë pas shumë javësh edhe kjo pikë strategjike ra në duart e rusëve.
Gjatë një konference për shtyp me kryeministrin australian, Anthony Albanese, presidenti ukrainas u shpreh se ekziston rreziku që Moska të pushtojë të gjithë Luhanskun. Megjithatë, ai shtoi se situata mund të ndryshojë nga dita në ditë.
Marrja e kontrollit të Lysychansk u konfirmua dhe nga ministri rus i Mbrojtjes, Sergei Shoigu.