Partia “Nasa Incijativa” që vepron në Komunën e Prizrenit ka filluar një peticion përmes të cilit është duke kërkuar krijimin e Komunës së Reçanës.

Vendi për nënshkrime do të jetë në fshatin Reçanë në afërsi të shkollës ku edhe sot (e martë) do të fillojë Turneu Tradicional i Futsallit “Reçan 2022” dhe do të jetë i hapur nga ora 16:00 deri në orën 21:00.

Nga kjo parti kanë thënë se i duhen 5 mijë nënshkrime, derisa kanë kërkuar nga qytetarët që të kenë dokumentet e identifikimit me vetë kur ta nënshkruajnë peticionin.