Zlatan Ibrahimoviq ka rinovuar kontratën e tij me Milanin edhe për një vit. “Rossonerët” kanë lëshuar një njoftim në rrjetet e tyre sociale, duke thënë se suedezi ka nënshkruar marrëveshje të re.

“AC Milan ka kënaqësinë të njoftojë rinovimin e kontratës së Zlatan Ibrahimoviq deri më 30 qershor 2023. Sulmuesi suedez do të vazhdojë të mbajë fanellën me numrin 11”, thuhet në njoftimin e tyre.

Paolo Maldini dhe Frederic Massara vizituan Ibrahimoviqin në vilën e tij në liqenin Garda së fundmi dhe siguruan nënshkrimin e tij në marrëveshjen e re njëvjeçare. Sulmuesi do të fitojë një pagë fikse prej rreth 1.5 milionë euro neto në sezon, por bashkëngjitur janë bonuse që lidhen me asistimet, golat dhe objektivat.

Official Statement: @Ibra_official ➡️ https://t.co/8BgZOIZ2Lv

Comunicato Ufficiale: Zlatan Ibrahimović ➡️ https://t.co/0A2sQdJppp#ReadyToLeaveAMark #SempreMilan pic.twitter.com/GN44NS1cLJ

— AC Milan (@acmilan) July 18, 2022