Tre të lënduar nga aksidenti i dytë në rrugën Prishtinë – Podujevë, policia jep detaje
29 korrik 2022
| 15:40
Policia e Kosovës ka dhënë detaje për aksidentin e dytë të ndodhur brenda ditës në magjistralen Prishtinë – Podujevë.
Zëdhënësja e Policisë për Rajonin e Prishtinës, Flora Ahmeti, ka thënë se aksidenti ka ndodhur rreth orës 14:00 në Vranidoll, dhe në të njëjtin kanë qenë të përfshirë një veturë dhe një motoçikletë.
Si pasojë e aksidentit, tre persona kanë pësuar lëndime trupore.
“Sot rreth orës 14:00 ne rrugën Prishtinë – Podujevë, saktësisht në fshatin Vranidoll, ka ndodhur një aksident trafiku në mes të një automjeti dhe një motoçiklete. Si pasojë e aksidentit tre persona kanë pësuar lëndime trupore. Të njëjtit janë dërguar për tretman mjekësor”, ka njoftuar polica.
Me rastin është duke u marrë njësiti i trafikut.